Берилген тапшырмалар кечиктирилбей аткаралышы керек. Ар бир мекеменин жана андагы эмгектенген ар бир кызматкердин аткарган жумушу бүтүндөй мэриянын ишине таасир этет

Милдеттерди так аткаруу талабы күчөтүлүүдө.

«Берилген тапшырмалар кечиктирилбей аткаралышы керек. Ар бир мекеменин жана андагы эмгектенген ар бир кызматкердин аткарган жумушу бүтүндөй мэриянын ишине таасир этет». Мындай пикирин бүгүн 7-мартта Талас шаардык мэриясынын ар Дүйшөмбү сайын өтүлүүчү жыйында мэр Аскар Шабданов билдирип, шаардык мэриядан каржыланган мекеме-уюмдардын жетекчилерине жана кызматкерлерине эскертти.

Ошондой эле шаар аймагындагы курулуштардын жүрүшү боюнча тиешелүү жетекчилерден сурап, акыркы маалыматтардан кабар алды. Муниципалдык менчик башкаруу мекемесине лотторду ачык жүргүзүү боюнча тапшырма берди .
Мындан тышкары калктын эң аярлуу катмарына курула турган «Социалдык шаарча» тууралуу сөз болду.

Жумушсуздукту жоюу боюнча дагы аткарылып жаткан иштер каралып, шаардагы Ботаникалык бакчаны башка аймакка көчүрүп, ордуна 1000 орундуу кийим тигүүчү ишкананы курулушун баштоо зарылдыгы эскертилди. Быйылкы көрктөндүрүү жана жашылдандыруу иштерине өзгөчө көңүл бурулушу эскертилип, Талас шаарына тиешелүү болгон токой аянттарын, коруктарды ирээтке келтирүү боюнча комиссия түзүү жана жалпы мекеме уюмдарды ишембиликке активдүү катышуусу талап кылынды.
Жыйында Газпром спорт комплекси боюнча да маселелер каралды. Ошондой эле шаар ичиндеги жолдорду , көпүрөлөрдү оңдоо, көчөлөрдүн жээгин бекемдөө, жасалган жумуш ордуларын ирээтке келтирип, тазалоо боюнча тапшырмалар берилди.
Жыйындын жыйынтыгында мэр Аскар Шабданов орчунду маселелерди биринчи кезекте чечүү үчүн сессия өткөндөн кийин кайрылбай, ага чейин кабарлап, шаардык кеңешке сунуштап алып чыгууну эскертти.