Президент демилелеген «Жашыл Мурас» акциясына шаардын тазалыгына кайдыгер карабаган депутаттар катышып, жигердүүлүгүн көрсөтүштү.

 16-апрель күнү, Талас шаарынын Ч.Айматов көчөсүнүн жээгине 50 даана арчанын (туя) көчөттөрү олтургузулду. «Талас жашыл чарба» муниципалдык ишканасынын шаарды жашылдандыруу ишине Талас шаардык кеңешинин депутаттары жана төрага Адылбек Жусупбеков катышты. Президент демилелеген «Жашыл Мурас» акциясына шаардын тазалыгына кайдыгер карабаган депутаттар катышып, жигердүүлүгүн көрсөтүштү. Мындан тышкары ишембиликке өспүрүмдөрдүн спорт мектебинин эмгек жамааты дагы катышып, жашылдандырууга салымдарын кошушту. Ошондой эле бул күнү Талас шаардык мэриясынын айрым кызматкерлери дагы көчөт олтургузууга жардам беришти.