Депутаттардын Талас шаардык кенешинин VIII чакырылыштагы
кезексиз XIII сессиясынын
№93/13-8 ТОКТОМУ
12-июль, 2022-жыл Талас шаары
Талас шаарында каада-салттарды, салтанаттарды жана үрп-адаттарды тартипке келтирүүнү караган “Үйлөнүү үлпөтүн, үй-бүлөлүк, мааракелик салтанаттарды, маркумду эскерүү үрп-адаттарын жана маркумга арналган иш чараларды өткөрүүнүн тартиби жөнүндө” Жобосун бекитүү жөнүндө
Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” мыйзамынын 34-беренесинин 2-бөлүмүнүн 1-пункту, Талас шаардык мэриясынын 08.07.2022-жылдагы №01-21/1969 чыгыш сандуу сунушунун негизинде, Депутаттардын Талас шаардык кеңешинин ”Регламент, депутаттык этика, мыйзамдуулук укук тартиби, жергиликтүү өз алдынча башкаруу иштери, көчөлөрдүн жана башка социалдык маданий обьектилердин аттарын өзгөртүп кайрадан атоо боюнча” туруктуу комиссиясынын №7 протоколдук сунушун карап, талкуулап чыгып, Депутаттардын Талас шаардык кеңешининсессиясы
ТОКТОМ КЫЛАТ:
Талас шаарында каада-салттарды, салтанаттарды жана үрп-адаттарды тартипке келтирүүнү караган “Үйлөнүү үлпөтүн, үй-бүлөлүк, мааракелик салтанаттарды, маркумду эскерүү үрп-адаттарын жана маркумга арналган иш чараларды өткөрүүнүн тартиби жөнүндө” Жобосу тиркемеге ылайык бекитилсин.
Ушул бекитилген жобонун негизинде, Талас шаарында каада-салттарды, үй-бүлөлүк, мааракелик салтанаттарды, маркумду эскерүү үрп-адаттарын жана маркумга арналган иш чараларды тартипке келтирүү боюнча калк арасында түшүндүрүү иш аракеттерин жүргүзүү жагы Талас шаарынын вице мэрине (М.Сейдикеримова) милдеттендирилсин.
Кабыл алынган токтомду Талас шаарынын мэриясынын сайтына, Талас шаардык
“Жаңы багыт” газетасына жарыялоо жана Кыргыз Республикасынын укуктук
ченемдик актылардын мамлекеттик реестринен каттоодон өткөрүүнү көзөмөлгө
алуу жагы Депутаттардын Талас шаардык кеңешинин жооптуу катчысына
(А.Сариева) милдеттендирилсин.
Токтомдун аткарылышына көзөмөлдүк кылуу жагы Депутаттардын Талас
шаардык кеңешинин “Регламент, депутаттык этика, мыйзамдуулук укук тартиби,
жергиликтүү өз алдынча башкаруу иштери, көчөлөрдүн жана башка социалдык
маданий объектилердин аттарын өзгөртүп кайрадан атоо боюнча” туруктуу
комиссиясынын төрайымына (К.Карагулова ) тапшырылсын.
