Ысырапкерчиликти токтотуу боюнча, борбордук мечитте Талас шаарынын мэри Аскар Шабданов имамдар менен  жолукту.

Талас шаарында ысырапкерчиликти токтотуу боюнча түшүндүрүү иштери уланууда. 16-март күнү, борбордук мечитте Талас шаарынын мэри Аскар Шабданов имамдар менен  жолукту.   Анда чыгымга дуушар кылган үрп адаттар боюнча маселе каралды. Дин кызматкерлери айрым маанисиз үрп адаттарын кажети жоктугун эскертип, аларды токтотуу, ысырапкерчилик көрүнүштөрүн азайтаарын билдиришти.  Жергиликтүү бийлик бул багытта түшүндүрүү иштери дагы күчөтүүнү тапшырды. Эскерте кетсек, өлкө башчысы Садыр Жапаровдун жарлыгына ылайык аза күтүү учурунда  жана аш берүүдө мал союуга тыюу салынган.