ТАЛАСТА БАЛДАРДЫ КОРГООНУН ЭЛ АРАЛЫК КҮНҮ БЕЛГИЛЕНДИ

1-июнь Балдарды коргоо күнүнө карата «Кыргыз жараны» концепциясынын «Өнүгүү менден башталат» ураанын алдында Талас шаарынын мэриясы «Мугалим» коомдук фондусу менен биргеликте жарманке уюштурду. Иш-чара Талас шаарынын борбордук аянтында өткөрүлдү. Жарманкеге Баткен, Ысык-Кол, Чуй облустарынан, Бишкек, Ош шаарларынан келген чондорду окутуу борборлору Германия мамлекетинен келген инвесторлор катышты.Окутуу борборлору тарабынан жергиликтүү элдин ишкерлигин күчөтүү багытында мастер-класстар уюштурулду. Ошондой эле өндүрүүчүлөрдүн продукциялары дагы тааныштырылды. Салтанатка Президенттин Талас облусундагы ыйгарым укуктуу өкүлү Бакытбек Нарбеков жана Талас шаарынын мэри Аскар Шабданов катышып, балдарды майрамы менен куттукташты. Жетекчилер балдар-кыздарга ден-соолук, окууларына ийгилик , ата-энелерине узун өмүр каалашты. Майрамдык салтанатта бала бакчаларга белектер тапшырылды. Жергиликтүү таланттар жана Талас шаардык маданият бөлүмүнүн кызматкерлери тарабынан балдар үчүн атайын концерттик программалар тартууланды. Жыйынтыгында балдар-кыздарга балмуздак таратылды.