Апрель элдик ревлюциясына 12 жыл

Бүгүн, 6-апрель  Талас шаарында Апрель ревлюциясынын 12 жылдыгына карата эскерүү иш-чарасы өттү. Митинг реквиемге Талас шаарынын мэри Аскар Шабданов, КРнын Президентинин Талас облусундагы ыйгарым укуктуу өкүлү Бакытбек Нарбеков , Апрель баатыры Койсун Курманалиева жана Апрель революциясынын катышуучулары, мекеме-уюмдардын жетекчилери , коомдук ишмерлер катышты. Жалпы жетекчилер жана катышуучулар, айкелге гүл чамбарларды коюшту. Асманга залп атылып, шейит кеткен эр азаматтар эскерилип, куран түшүрүлдү.
Баатырларды эскерүүгө арналган иш-чараны Талас шаарынын мэри Аскар Шабданов ачып берди. Калаа башчысы тарыхта кара тамга менен жазылган Апрель окуясынын маанисин чечмелеп, адилеттүүлүк үчүн күрөшкөн азаматтарды эскерип. жаркын келечек үчүн шейит кеткен өмүрлөрдүн элдин эсинде түбөлүккө сакталаарын билдирип, баатырларга таазим кылды.

Митинге реквиемде облус башчысы Бакытбек Нарбеков, Апрель революциясынын баатыры Койсун Курманалиева жана “Баатырларга таазим” коомдук бирикмесинин төрайымы Кишимжан Таштакеева сөз сүйлөп, Апрель баатырларын эскеришти. Мындан тышкары Апрель революциясынын катышуучуларына “Альянс-Алтын” компаниясынын “Бакубат-Талас” фондусу колдоо көрсөттү.