Талас шаарынын мэри Аскар Шабданов айымдарды эртеңки 8-март Аялдардын эл аралык күнү менен куттуктады.

Бүгүн, Талас шаарынын мэри Аскар Шабданов айымдарды эртеңки 8-март Аялдардын эл аралык күнү менен куттуктады. Шаардын социалдык-экономикалык өсүп-өнүгүүсүнө кошкон зор салымдарды жана жигердүү аракеттери үчүн Талас шаарынын бир нече айым кызматкерлерине мэриянын «Ардак грамотасы» , «Ыраазычылык каты» менен сыйланышты.

Өз сөзүндө калаа башчысы Аскар Шабданов асылзаада энелердин жана жалпы аял затынын кажыбас мээнетин, ак эмгегин жана мээримин баса белгилеп, айымдардын кадыр-баркына жетип, ар дайым сыйлап, урматтап , алкыш айтып туруу ар мырзанын , эркектин милдети экендигин билдирди. Ошондой эле Аскар Шабданов айымдарга узун өмүр, чын ден-соолук , үй-бүлөлөрүнө бакыт тилеп, иштеринде ар дайым ийгиликтер коштоп, ар бир күн жылмаюу менен өтүүсүн каалады.