Саркынды жана таза суунун тарифин көтөрүүгө кандай карайсыз?

Жакынкы айларда Талас шаарында таза суу жана саркынды суунун тарифи көтөрүлөт. Бирок акыркы чечимди шаардык кенештин депутаттары жана шаар тургундары кабыл алышат. Андыктан шаар бийлиги эӊ ириде жергиликтуу жашоочулардын  пикирин сурап-билгени атайын коомдук угууларды өткөрүп, түшүндүрүү  иштерин жүргүзүп башташты.

ТӨЛӨМ ӨЗГӨРБӨГӨН 7 ЖЫЛ

Талас шаарында 7 жылдан бери таза сууга болгон төлөм өзгөргөй бир баада сакталып келген. Сууга кошулган абоненттердин саны көбөйгөндүгүнөн Таза суу ишканасынын материалдык техникалык базасын чындоо , насостук станцияны тейлөө жана башка жумуштарды алып барууда айрым кыйынчылыктар жарала баштады.   “Таза Суу” муниципалдык ишканасынын башкы инженери Адилет Токторбаевдин айтымында 1 куб таза суунун тарифин  1 сом 94 тыйынга , ал эми саркынды суунун төлөмүн 1 сом 82 тыйынга көтөрү зарыл.

СУУ ЭСЕПТЕГИЧТЕР ОРНОТУЛАТ

Европа Өнүктүрүү  банкынын (ЕБР) колдоосу менен Талас шаарында ишке ашып жаткан долбоор аркылуу 6000 даана суу эсептегич орнотулуп жатат. Мындай кадам сууну үнөмдүү пайдаланууга  үйрөтөт.

Жогоруда аталган көйгөйлөрдү ортого салып, элдин пикирин сурап-билүү максатында кечээ Талас шаарында коомдук угуу өткөрүлдү.  Бирок шаар тургундары аз келип, толук кандуу талкуу болгон жок. Мындан улам тарифтерди көтөрүү боюнча дагы бир нече жолу шаар ичинде тургундарга  түшүндүрүү иштери жүргүзүлөт. Анан барып шаардык кеӊештин депутаттарынын сессиясына сунушталат.