АК ЖОЛ САГА БҮТҮРҮҮЧҮ! 11-классты 394, 9-классты 764 окуучу аяктады

9-июнь күнү акыркы коӊгуроо кагылды. Салатанаттуу иш-чарага Талас шаарындагы мектеп, лицейлер активдүү катышты. Окуу жылын жыйынтыктаган иш-чарада 2021-2022-жылда жетишкен ийгиликтери үчүн окуучулар жана мугалимдер сыйланды. Жалпы 9 орто мектептен жана чет тилдер багытындагы лицейден 11-классты 394, 9-классты 764 окуучу аяктады. Акыркы коӊгуроо салтанатындагы коопсуздукту  Талас шаардык ички иштер бөлүмүнүн кызматкерлери камсыздап, көзөмөл жүргүзүштү.  Эми алдыда бүтүрүүчүлөр мамлекеттик экзамандерди тапшырат. Жалпы окуучуларга ийгилик жана бүтүрүүчүлөргө ак жол каалайбыз!

Талас шаарынын мэриясы мектеп-лицейлердин окуучуларын жана мугалимдерин акыркы коӊгуроо салтанаты менен куттуктады. Шаар бийлигинин өкүлдөрү жалпы окуучулардын жана мугалимдердин  билим берүү тармагындагы жетишкендиктерин белгиледи. Ошондой эле бүтүрүүчүлөргө алдыда мамлекеттик сынактарды ийгиликтүү тапшырып, ЖРТдан жакшы балл алып өздөрү каалаган ЖОЖго өтүүсүн каалады. Мындан тышкары бул күнү депутаттардын Талас шаардык кеңешинин предметтик олимпиаданын облустук жана республикалык турунда мыкты ийгилик жараткан Талас шаарынын окуучуларына жана алардын мугалимдерине 1000-4000 сомго чейинки атайын акчалай сыйлыктары  тапшырылды. Сертификаттарды тапшыруу аземине Талас шаардык кеӊешинин төрагасы, депутаттар жана Талас шаарынын вице-мэри,  аппарат жетекчиси катышты.