Талас шаарынын  коллегиялык отуруму: Талас шаарынын мэри Аскар Шабдановдун 6 айда аткарган иштери боюнча отчету.

8-июль күнү, Талас шаарынын  коллегиялык отурум болуп өттү. Анда 6 айдагы аткарылган иштер, кетирилген кемчиликтер каралды. Талас шаарынын мэри Аскар Шабданов слайд ирээтинде баяндама жасап, жарым жылдагы шаардын социалдык-экономикалык өнүгүүсүнүн жыйынтыктарын тааныштырды.  Жергиликтүү салыктарды чогултуу боюнча 6 айга коюлган 87 миллион сом план тапшырма , быйыл 8 миллион сомго ашык аткарылган. Ал эми мэр Аскар Шабданов быйылкы жылдын этегине чейин аракет кылып, 2023-жылга  200 млн сом менен кирүү планын айтты. Инвестиция тартуунун негизинде  “Ассафа” коомдук бирикмесинин  колдоосу менен №2 орто мектепке кошумча окуу имараты жана аярлуу катмардагы жашоочулар үчүн “Социалдык шаарча” куруу иштери жүрүп жатканын айтып өттү.  Ошондой эле аэропорт тараптагы эски Жеңиш паркын курууга каражат бөлүнгөн. 1000 орунду кийим тигүү фабрикасын куруу долбоору ишке ашса Талас шаарынын айымдары жумуш менен камсыз болоруу айтылды. Коллегияда  облус башчысынын биринчи орун басары  Канымет Осмонбеков тазалык жана ирээттүүлүк боюнча айрым кемчиликтерди эскертти. Сында шаар мэри туура кабыл алып, кемчилик кетирген Муниципалдык “Менчикти башкаруу” ,“Жашыл чарба”, Коммуналдык кызмат көрсөтүү”  ишканаларынын жетекчилерине шаардагы көрктөндүрүү,  тазалык жана тартип боюнча тез арада иш алып барууну тапшырды. Ал эми “Таза Суу” ишканасына суу эсептегичтерди орнотуу тездетүүнү эскертти.  Баардык иш шаарды өнүктүрүүгө багытталган.