Талас шаарында Нооруз майрамы белгиленди

 Талас шаарында Нооруз майрамы белгиленди . Майрамдык салтанат Талас шаарындагы А.Огомбаев атындагы балдардын музыкалык мектебинде өттү. Шаар тургундарына жана меймандарына маданият тармагынын кызматкерлери жана балдарга билим берүү борборунун жаш жеткинчектери тарабынан концерттик программа тартууланды . Нооруз майрамына арналган салтанатка Талас шаарынын мэри Аскар Шабданов катышып, жалпы шаар тургундарын жаз жыттанган Улустун улуу күнү менен куттуктады. Өз сөзүндө калаа башчысы ар бир үйгө бакыт таалай , ден соолук жана бакубат жашоо каалады. Мындан тышкары иш чарага КРнын Президентинин Талас облусундагы ыйгарым укуктуу өкүлү Бактыбек Нарбеков жана КРнын Өзгөчө Кырдаалдар министри Бообек Ажикеев катышып, шаар калкын жана меймандарын Нооруз майрамы менен куттукташты.